بسم الله الرحمن الرحيم
اولآ دى قصه حقيقيه وانا حبيت انى انقلها ليكم ويارب تعجبكم
كنا فى اواخر الشتا قبل اللى فات زى اليومين دول عشنا مع بعض حكايات
انا حبيت انى ابتدى بالمقطع دا من اغنيه اليسا لآن ظروف الاغنيه دى متشابهه مع الواقع
كنت فى اواخر شتاء السنه اللى فاتت وكنت قاعد زى كل يوم ببحث على النت وأشارك فى
المنتديات وكنت ادخل الشات واتعرف على اشخاص جداد واتصاحب عليهم لحد ماعرفت بنت لذيذه
جدا ومحترمه جدا جدا ثم ابتدينا نتعارف على بعض ونشارك بعض فى مشاكلنا وفى اى حاجه شخصيه وبجد كنا عايشين اجمل ايام حياتنا ايوة ياريت متستغربوش ان الموضوع دا كان فى الشات
وكنا فى قمه السعاده ومش بنقدر اننا نبعد او مش نكلم بعض يوم على الاقل وبجد كنت بحس معاها امى فرحان وسعيد جدا ولقيت البنت اللى اقدر افضفض معاها ونحل مشاكلنا مع بعض
كل اللى فات وكانت الامور طبيعيه وكنا عايشين 6 شهور من هذه الحاله الجميله بينى وبينها
الى ان جاءت اللحظه التى غيرت كل هذه الفترة الجميله السابقه وهى عندما صارحتنى بحبها
وكانت هذه الكلمات كالصعقه والصدمه لآن انا لم اتخيل ان تصل الامور الى هذه الدرجه وفى تلك اللحظه صارحتها بحبى ليها ولم اكن اعرف انا صادق فى حبى دا ولا مجرد مجامله علشان مجرحهاش وعشنا مع بعض فترة جميله كانت مليئه بالحب والرومانسيه مع بعض المشاكل اللى كانت بتحصل فى هذه الفترة
ولكن انا فكرت فى الواقع خصوصا انها من البحيرة وليها بعض الاقارب فى الاسكندريه وانا من القاهرة
حسيت ان الموضوع مش هينفع انى استمر فيه واخدع قلب طاهر اول مرة يعرف الحب واول مرة يحب وكنت خايف انى اسيب فيها فكرة مش كويسه عن الحب
لحد ماجه اليوم اللى صارحتها فيه اننا مش هننفع نكمل فى الموضوع دا وهيا جاوبتنى بكل سهوله
انا كمان شايفه ان الموضوع مش هينفع واعتبرتها من تلك اللحظه زى اختى ولكن المفاجأه وانا بكلمها من فترة قريبه انى اكتشفت انى جرحتها وهى جالها حاله اكتئاب واصيب ذراعها بالشلل المؤقت وانا مش عارف ان كلامى هيعمل كل الموضوع دا ولو كنت اعرف انه هيعمل كده كنت مش هصارحها فى الوقت دا
انا بجد زعلت من نفسى انى عملت الموضوع دا معاها بس فى نفس الوقت كان مش هينفع انى اخدعها فى حب وهمى وهو حب الشات
وعلى فكرة احنا دلوقتى رجعنا اخوات وأصحاب اكتر من الاول واتعاهدنا اننا هنفض اخوات على طول
انا بعتذر على طول القصه بس دا واقع وانا بعتذر مرة تانيه على اسلوب القصه بس انا اول مرة اكتب قصه وحسيت انى لازم اقول الكلام دا لكل اللى بيتكلموا فى الشات
هى دى اخرة الحب من النت . والعواقب اللى حصلت بعد كده
العرض العادي
